19 декабря в Осиповичском районе пройдет день подписчика
Анонс
Заўтра праводзім дзень падпісчыка!
Чаму варта выпісаць раённую газету на тры месяцы альбо на паўгода менавіта 19 снежня? А таму што аформлены на любым аддзяленні сувязі Асіповіччыны ў гэты дзень абанемент на «Асіповіцкі край» дае шэраг дадатковых шансаў. Выйграўшых будзе шмат!
Па-першае, мы вырашылі пакінуць 40 купонаў, якія дазваляюць бясплатна павіншаваць родных ці блізкіх людзей на старонках «раёнкі» альбо даць аб’яву ў мясцовую прэсу. Па-другое, пры жаданні гэтыя купоны можна будзе абмяняць на навагоднюю фотасесію ад рэдакцыйнага фатографа (запланавана 5 фотасесій), ваша відэавіншаванне, якое будзе размешчана на старонках «АК» у сацыяльных сетках (5 ролікаў), імянное віншаванне вашых дзяцей і ўнукаў ад Дзеда Мароза (5 сюжэтаў) і нават артыкул у газеце пра вас — удачлівага чалавека (1 публікацыя). Вось адразу колькі цікавых магчымасцей дае сяброўства з раённым выданнем!
Няма прычын засмучацца і тым, хто ўжо выпісаў газету альбо збіраецца гэта зрабіць на наступным тыдні: кожнага падпісчыка чакаюць яркі каляндар на 2021 год у першым нумары і розыгрыш галоўнага прыза.
