15 новых пульсаксіметраў, якія правяраюць насычанасць артэрыяльнай крыві кіслародам, частату сардэчных скарачэнняў, атрымалі бязвыплатна асіповіцкія медыкі на днях з Магілёўскай цэнтральнай паліклінікі.

Цяпер у распараджэнні нашых урачоў 20 такіх прыбораў. Па словах намесніка галоўнага ўрача па медчастцы ЦРБ Надзеі Штэльман, у выпадку дыхальнай недастатковасці выявіць рызыку развіцця такога стану на ранніх стадыях дазваляюць менавіта гэтыя апараты. Яна яшчэ раз напомніла землякам пра меры перасцярогі: дыстанцыянаванне, мыццё рук, апрацоўка антысептыкам, прамыванне носа і агульны пастаянны кантроль за сваім самаадчуваннем.