У ходзе рабочай паездкі ён азнаёміўся са справамі двух найбольш буйных прадпрыемстваў рэгіёна, якія знаходзяцца на розных стадыях працэдуры банкруцтва, — СЗАТ “Асіповіцкі вагонабудаўнічы завод” і “Шклозавод Ялізава”, наведаў будаўнічую пляцоўку тэрапеўтычнага корпуса раённай бальніцы.

Віцэ-прэм’ер у размове са старшынёй райвыканкама Пятром Шукаловічам прызнаў вострую неабходнасць у найхутчэйшым уводзе ў эксплуатацыю важнага аб’екта сацыяльнай інфраструктуры і падкрэсліў, што мае намер прыняць усе магчымыя меры для дапамогі ў гэтай справе.