Здымак сведчыць: машыніст-абходчык Асіповіцкай міні-ЦЭЦ Яўген Сакалоў узяў у рукі ключавы, без перабольшвання, элемент сістэмы ацяплення нашага горада: заслонку сеткавай помпы, якая падтрымлівае ціск гарачай вады ў цеплацэнтралі…

Кожную гадзіну міні-ЦЭЦ “выдае” спажыўцам 1.100 кубаметраў вады, у залежнасці ад тэмпературы паветра нагрэтай да 60-91°С. Амаль палову патрэбнага дзеля гэтага цяпла даюць мясцовыя віды паліва. Па разліках энергетыкаў карыстацца імі зараз выгадней, чым імпартным прыродным газам, так што арыентацыя айчыннай цеплаэнергетыкі на МВП была вельмі прадбачлівым крокам.

Сёння запас паліўных трэсак на ЦЭЦ дастатковы для 100 дзён работы з максімальнай нагрузкай. Ёсць і “стратэгічны” запас мазуту, які дазволіць нармальна працаваць два тыдні ў выпадку перабояў у пастаўцы прыроднага газу.

Словам, да надыходзячай зімоўкі нашы энергетыкі падрыхтаваліся грунтоўна і ўсебакова. Як, прынамсі, і заўсёды.

Фота Дзмітрыя САЎРЫЦКАГА.