Жыхары Асіповіччыны — у Александрыі

 У мінулыя выхадныя ў Шклоўскім раёне ў чарговы раз прайшло грандыёзнае свята “Александрыя збірае сяброў”, у рамках якога адбылася і ўрачыстая цырымонія ўзнагароджання перадавікоў аграпрамысловага комплексу Магілёўшчыны.

У абласным спаборніцтве за дасягненне лепшых вынікаў у развіцці АПК у 2013 годзе ў ліку пераможцаў і землякі. Дыпломамі адзначаны вадзіцель СВК “Калгас “Авангард” Віктар Власік, аператар машыннага даення з “Лапіч” Алена Гарадзецкая і тэхнік-асемянатар калгаса “Ясень” Браніслава Калеснікава. Грашовыя прэміі атрымалі жывёлаводы-“авангардаўцы” — галоўны ветурач Адам Сысой, брыгадзір малочнатаварнай фермы Святлана Гаўрыленка, аператары па штучным асемяненні і вырошчванні буйной рагатай жывёлы Людміла Доўнар і Аляксандр Карпоўнін адпаведна, а таксама аператар машыннага даення з філіяла “Белшына-агра” ААТ “Белшына” Аляксей Біцюн.