Знаёмцеся:

кіраўнік ААТ «Асіповічыаграпрамтэхзабеспячэнне»

Сяргей ШУГАЙ

Нарадзіўся ў 1965 годзе ў Карэльскай ССР. Калі быў яшчэ дзіцём, бацькі вярнуліся на радзіму ў Беларусь. Вучыўся ў васьмігадовай школе ў вёсцы Кассё, потым — у ПТВ № 8 г. Бабруйска на механізатара. Пасля службы ў арміі зноў рабіў у калгасе “Беларусь” (зараз — “Бярэзіна”), затым у калгасе імя Ульянава. Там прайшоў шлях ад інжынера па працаёмкіх працэсах да кіраўніка гаспадаркі. Паралельна працягваў вучобу па спецыяльнасці “тэхнік-механік”.

У ААТ “Асіповічыаграпрамтэхзабеспячэнне” Сяргей Уладзіміравіч з 2007 года. Да нядаўняга часу быў намеснікам дырэктара па сельскай гаспадарцы.

Яго жыццёвы дэвіз — шчыра працаваць і дабівацца як мага лепшых вынікаў. Лічыць, што для чалавека сапраўды важна, калі ён робіць на карысць свайго роднага краю: гэта заўсёды ганарова, тут знаёмыя людзі і мясціны.

Планаў у кіраўніка датычна гаспадаркі нямала, найперш надзеі ўскладаюцца на новы малочнатаварны комплекс. Зараз задача № 1 — пабудаваць яшчэ адзін кароўнік. Важна арганізаваць работу так, каб у поўнай меры задзейнічаць і тэхнічныя магчымасці прадпрыемства — той жа станок па шынамантажы калёс велікагрузнай тэхнікі, рукаў высокага ціску.

Жанаты. Жонка Галіна Антонаўна — інспектар у транспартнай міліцыі. Маюць двух дарослых сыноў. Аляксандр — аператар на парфумерна-касметычнай фабрыцы “Сонца” ў Асіповічах, Яўгеній — студэнт БДУIР.

У вольны час Сяргей Уладзіміравіч займаецца тэхнікай.