Знаёмцеся: 

кіраўнік СВК “Калгас “Чырвоны ўдарнік”

Аляксандр КУРМАШОЎ

Нарадзіўся ў 1957 годзе на Гомельшчыне — у в. Фалевічы Рагачоўскага раёна. Працу на зямлі распачаў пасля заканчэння Жыліцкага сельскагаспадарчага тэхнікума ў 1976 годзе — быў аграномам-насенняводам. З наступнага па 1980 год служыў на флоце, у 1980-1985 завочна вучыўся ў Беларускай дзяржаўнай сельскагаспадарчай акадэміі па спецыяльнасці “агранамія”. У гэты ж час рабіў галоўным аграномам, пасля — старшынёй адной з гаспадарак у родным раёне.

На Асіповіччыне Аляксандр Фёдаравіч з 2013 года — да “Чырвонага ўдарніка” было ААТ “Асіповічыаграпрамтэхзабеспячэнне”. Патрабавальны як да сябе, так і да падначаленых. Галоўным прынцыпам у рабоце лічыць тэхналагічную і працоўную дысцыпліну. На гэта зараз і накіравана першачарговая ўвага ў даручанай гаспадарцы. У апошнія тыдні стаўку тут робяць на корманарыхтоўку, эфектыўнае правядзенне якой выступае гарантам добрых вынікаў у жывёлагадоўлі на наступны год.

Мае трох сыноў — Аляксея, Андрэя і Міхаіла, а таксама чатырохгадовага ўнука Максімку. Сваім дзецям змог прывіць любоў да сельскай гаспадаркі: кожны з хлопцаў звязаў свой лёс менавіта з гэтай галіной.

Калі выдаецца вольная хвіліна, займаецца ўласным домам і сядзібай.