Усяго ў Асіповіцкім гарнізоне прынялі
Прысягу 39 землякоў. Яны папоўнілі асабовы састаў часцей, дыслакаваных у Цэлі —
10, Лапічах — 9, Асіповічах — 17, Вялікай Гарожы — 3.

* * *

У 51-ай змешанай артылерыйскай
групе прыняў Прысягу радавы Арцём Бразоўскі; хлопец будзе служыць разам з
бацькам — гвардыі падпалкоўнікам Кліменціем Бразоўскім.

* * *

Ва ўрачыстасці, якая праходзіла
на тэрыторыі Паўднёвага ваеннага гарадка ў Асіповічах, прынялі ўдзел пачэсныя
салдаты 51-ай змагр падпалкоўнікі ў адстаўцы Барыс Хрэськін і Сяргей Сідарэнка
і пачэсны салдат 336-ай рэабр генерал-лейтэнант у адстаўцы Іван Жураўлевіч.

Ветэраны шчыра павіншавалі
сённяшніх абаронцаў Радзімы з уступленнем у дружную армейскую сям’ю і далі шмат
карысных парад, якія дапамогуць маладым салдатам паспяхова спраўляцца з
цяжкасцямі воінскай службы.

Георгій АЛЕЙНІКАЎ.