Республиканский субботник на Осиповщине состоялся!
12 красавіка па ўсёй краіне прайшоў рэспубліканскі суботнік. Грашовыя сродкі, якія зарабляліся ў гэты дзень на рабочых месцах, пойдуць на будаўніцтва Рэспубліканскага цэнтра тамаграфіі, сучаснае абсталяванне якога дазволіць зрабіць больш эфектыўным лячэнне анкалагічных хворых.
На Асіповіччыне добрую ініцыятыву падтрымалі тысячы людзей. Традыцыйна многія прынялі ўдзел у мерапрыемствах па добраўпарадкаванні тэрыторый. Мясцінамі, дзе вялася “вясенняя прыборка”, сталі “задворкі” СШ № 4, парк імя 50-годдзя Кастрычніка, Алея Герояў, “зялёная” зона паміж мікрараёнам “Чаромушкі” і рэчкай Трубінка, лесапаласа ўздоўж уезду ў горад з боку шашы Мінск-Гомель і г.д.
Прыклад адказных адносін да важнай грамадскай справы дало землякам кіраўніцтва выканаўчай і прадстаўнічых галін раённай улады. На чале са старшынёй райвыканкама Пятром Шукаловічам вялася пасадка дрэў у паркавай зоне каля Алеі Герояў, а старшыня райсавета дэпутатаў Аляксандр Пузік разам з другімі ачышчаў лес ад смецця ў наваколлі спецшколы-інтэрната.
Фота Дзмітрыя САЎРЫЦКАГА.
