Мяркуем, падборка зацікавіць землякоў.

Установа аховы здароўя “Асіповіцкая цэнтральная раённая бальніца” сёлета папоўнілася шэрагам новага абсталявання. Так, набыты два дэфібрылятары для аддзялення рэанімацыі, фізіятэрапеўтычнае абсталяванне для паліклінікі, стацыянара і Ялізаўскай участковай бальніцы, электракардыёграф для паліклінікі.

Напярэдадні Дня горада ў стаматалагічную паліклініку паступілі тры стаматалагічныя ўстаноўкі. На сёння, дарэчы, ужо ўсе кабінеты забяспечаны новымі ўстройствамі. Сучаснае абсталяванне дазваляе ствараць эфектыўную і камфортную рабочую прастору, аказваць медыцынскія паслугі на больш высокім якасным узроўні.

Асіповіцкі завод транспартнага машынабуда­вання стаў пераможцам ХХ рэспубліканскага конкурсу “Лепшы экспарцёр 2025 года” ў намінацыі “машынабудаванне і металаапрацоўка”. Гэты адкрыты конкурс праводзіцца ў мэтах павышэння іміджу краіны як актыўнага экспарцёра, стымулявання развіцця экспартна арыентаванай вытворчасці, заахвочвання беларускіх прадпрыемстваў, якія дасягнулі значнага росту экспарту.

Арганізатар конкурсу — Беларуская гандлёва-прамысловая палата, суарганізатары — дзяржаўныя органы, выканкамы, іншыя арганізацыі. Пераможцы не толькі ўзнагароджваюцца адпаведнымі прызамі і дыпломамі, але і атрымліваюць права выкарыстоўваць у сваіх рэкламных і прэзентацыйных матэрыялах знак “Лепшы экспарцёр года”.

На прадпрыемстве добра ідуць справы ў дадзеным кірунку і сёлета: за студзень-май экспарт тавараў склаў 101,5% да леташніх паказчыкаў. А яны былі добрыя.

Будаўніцтва — любое — заўсёды звязана з асаблівымі спадзяваннямі, надае жыццёвай плыні новы імпульс. З кожным годам горад расце і прыгажэе. У першым паўгоддзі 2026 года індывідуальнае жыллёвае будаўніцтва дасягнула ўзроўню 6 061 м2. А да канца года плануецца ўсяго пабудаваць 8 700 м2.

Таксама сёлета чакаецца ўвод у эксплуатацыю двух шматкватэрных жылых дамоў. 40-кватэрны (2 177,4 м2) у завулку Чарняхоўскага, 1а будзе здадзены літаральна днямі. Вуліца Крыловіча, 16 — па такім адрасе накіруюцца навасёлы 70-кватэрнага дома (4 314 м2) у чацвёртым квартале.

Як заўважылі асіпаўчане, у цэнтры горада закладзены яшчэ адзін аб’ект. Тут будзе новы будынак пракуратуры раёна.

Філіялам “Асіповіцкі” ААТ “Бабушкина крынка” за першае паўгоддзе павялічаны аб’ёмы перапрацаванай сыравіны на 112% да паказчыкаў адпаведнага перыяду 2025 года. Вытворчасць сыркоў тварожных глазураваных склала 106,5%. Лінейка ўсімі любімага папулярнага ласунку зараз уключае 11 найменняў, у тым ліку тры віды сыркоў без дабаўлення цукру.

 Сухіх малочных прадуктаў, да якіх адносяцца малако сухое абястлушчанае, сыроватка малочная сухая дэмінералізаваная рознай ступені дэмінералізацыі, выпушчана 124,9%. Сёлета ўпершыню на прадпрыемстве пастаўлена на вытворчасць сухое цэльнае малако, што дазволіла павялічыць асартымент прадукцыі і геаграфію продажу.

У Асіповіцкім УКП ЖКГ тэмп росту аб’ёму вытворчасці прадукцыі (работ, паслуг) у адпускных цэнах за вылікам падаткаў і збораў, налічаных з выручкі, за студзень-чэрвень склаў 124,61%, у тым ліку асабістая вытворчасць, перадача, размеркаванне і продаж пары і гарачай вады, кандыцыянаванне паветра — 118,7%, комплексныя паслугі па абслугоўванні будынкаў — 124,13%, збор цвёрдых камунальных адыходаў — 110,93%, бягучы і капітальны рамонты жыллёвага фонду — 132,3%, бягучае ўтрыманне і рамонт аб’ектаў добраўпарадкавання — 109,75%.

Зроблены бягучы рамонт 18,996 тыс. м2 удасканаленага пакрыцця з асфальтабетону праезнай часткі вуліц горада і раёна, тратуараў і дробнаштучнай пліткі — 3,023 тыс. м2, рамонт прыдамавой тэрыторыі праездаў і пешаходных сувязей — 4,302 тыс. м2.

Адрамантавана 1 500 м пагонных стыкаў сценавых панэлей шматкватэрных дамоў, адноўлена 3,910 тыс. м2 дахаў.

На прыдамавых тэрыторыях устаноўлены чатыры дзіцячыя гульнявыя пляцоўкі. Добраўпарадкаваны паркі.

Зараз вядзецца мадэрнізацыя кацельні п. Савецкі і дзевяці ўчасткаў цепласетак. Зразумела, паралельна ідуць і іншыя работы. Лета — спрыяльны перыяд, таму графік у працаўнікоў УКП ЖКГ асабліва насычаны.

Валянціна КОРБАЛЬ.