Асаблівасць зімовых канікул
500 хлопчыкаў і дзяўчынак са школ горада і раёна будуць праводзіць зімовы адпачынак арганізавана — чарговы раз адкрыюць свае дзверы школьныя аздараўленчыя лагеры. Дні іх працы — 28-30 снежня, 4-6 студзеня. Чакаецца, што канікулы пройдуць вельмі цікава: запланаваны не толькі традыцыйныя “лагерныя” мерапрыемствы, але і гульні-конкурсы-забавы, звязаныя са святкаваннем Новага года і Каляд. Гасцямі школьнікаў на гэтыя дні стануць Дзед Мароз, Снягурка, Снегавікі ды іншыя вясёлыя зімовыя персанажы. На культурна-масавыя мерапрыемствы ў дзень выдаткоўваецца 2.000 рублёў на чалавека — гэтага хопіць на тое, каб закупіць канцылярскія прылады, спартыўны інвентар, прызы і яшчэ некалькі разоў усім разам схадзіць у кіно.
Дарэчы, наведвальнікамі лагераў стануць і вучні-пераможцы раённых алімпіяд, якія паедуць абараняць гонар Асіповіччыны ў Магілёў — падчас канікул ім давя-дзецца сумяшчаць адпачынак з падрыхтоўкай да наступнага этапа “інтэлектуальных спаборніцтваў”.
Для дзяцей будзе арганізавана трохразовае харчаванне. Датацыя з бюджэту на кожнага вучня на дзень складае 5.500 рублёў, а бацькоўская даплата за ўсе 6 дзён — у залежнасці ад узросту школьнікаў — вагаецца ў межах 12-19 тысяч рублёў.
КанIкулы — гэта
не толькі тэлевізар
і камп’ютэр. КанIкулы — гэта сябры і снег, горка. I — заўсёды добры настрой!