Распачаўся сезон, як і ў іншыя гады, з наступленнем восені — 1 верасня. Ураджай прывозяць сюды не толькі з сельгаспрадпрыемстваў Магі-лёўшчыны — ідуць гружаныя машыны з Чэрвеньскага, Кіраўскага, Жлобінскага раёнаў. Не застаецца ўбаку і Асіповіччына: на бураках спецыялізуецца сялянска-фермерская гаспадарка Генадзя Вішнякова “АграАўтаНова”. Сёлета пад культуру тут было аддадзена амаль 500 гектараў, а яе ўра-джайнасць больш за 450 ц/га. Ужо здадзена 10 тысяч тон караняплодаў.

Як расказаў начальнік буракапрыёмнага пункта Міхаіл Беразоўскі, сёлета стаіць задача прыняць 120 тысяч тон сыравіны. І праблем з выкананнем задання не павінна ўзнікнуць: буракі выраслі ня-дрэнныя, а ўтрыманне цукру ў іх вышэй за базісную норму. На сёння прынята 20 тысяч тон.

Графік работы зараз на пункце вар’іруецца ў залежнасці ад сітуацыі. Так як караняплоды пакуль не складзіруюцца на захаванне, а адразу адпраўляюцца перапрацоўшчыку, то ёсць пэўная падвязка пад выдзеленыя чыгункай вагоны для транспарціроўкі. Калі паток машын з гаспадарак вялікі, калектыў выходзіць і ў выхадныя, часам рабочы дзень працягваецца да 20 гадзін. За змену ў сярэднім разгружаецца каля 35 машын, аднак бывае і больш.

Каб працэс ішоў рытмічна, калектыў старанна рыхтаваўся да сезона: праводзіліся неабходныя рамонтныя работы, абслугоўвалася тэхніка. Канчатковая гатоўнасць аб’екта правяралася камісіяй галаўнога прадпрыемства. А яшчэ сёлета набылі новую буртаўкладачную машыну і своечасова абучылі двух чалавек, якія зараз могуць на ёй працаваць. Работы наперадзе прадбачыцца яшчэ нямала: спрыяльны для ўборкі буракоў час наступіў.