Коратка аб розным
378 21 сентября 2025 15:34
- 22 верасня пройдзе Сусветны дзень без аўтамабіля. Асіповіцкая райінспекцыя прыродных рэсурсаў і аховы навакольнага асяроддзя заклікае землякоў па меры магчымасці адмовіцца ад выкарыстання асабістага аўтатранспарту ў гэты панядзелак і тым самым унесці пасільны ўклад у памяншэнне забруджвання атмасфернага паветра. Акрамя гэтага, 22 верасня землякі, якія маюць пры сабе пасведчанне вадзіцеля, могуць скарыстацца правам на бясплатны праезд у гарадскім грамадскім транспарце.
- У 2024 годзе ў рэспубліцы з удзелам прафсаюзаў было разгледжана 109 іскавых заяў, рашэнні па якіх уступілі ў законную сілу. З іх 65 разгледжана судом на карысць работнікаў, а па васьмі патрабаванні былі задаволены судом часткова.
- 58 прышчэпак супраць шаленства сабакам і 24 — кошкам зрабілі спецыялісты гарадской ветэрынарнай станцыі па зваротах грамадзян у жніўні. Супраць вірусных захворванняў за той жа месяц прышчэплена 36 сабак і сем кошак.
- 13 025 наведванняў зафіксавана ў фізкультурна-аздараўленчым комплексе “Жамчужына” ў жніўні. З іх 9 333 прыйшліся на аквазону, 2 285 — аквазону з басейнам, 502 — толькі басейн, 90 — більярд, 260 — саўну, 31 — настольны тэніс, 524 — трэнажорную залу. Найбольшая актыўнасць прыхільнікаў здаровага ладу жыцця ў мінулым месяцы адзначалася 17 жніўня. У гэты дзень комплекс наведала 712 чалавек.
