4 293 гектары збожжа ўбрана ў асіповіцкіх сельгаспрадпрыемствах па стане на ўчарашнюю раніцу. І гэта амаль палова плошчаў, якія трэба зжаць, — 48%. Намалочана 8 296 тон з сярэдняй ураджайнасцю 19,3 цэнтнера з гектара.

Найбольш рытмічна ідзе жніво ў ААТ “ВязаўніцаАгра” — тут камбайны пабывалі ўжо на 63% ніў. Убрана 1 849 гектараў, намалочана 3 871 тона, а сярэдняя ўраджайнасць складае 20,9 ц/га. Амаль столькі ж — 20,8 цэнтнера — атрымліваюць з кожнага гектара ў ААТ “Ясеньскае”, а найбольшая аддача ніў сёлета ў ААТ “ЖорнаўкаАГРА”: 21,1 ц/га. Зразумела, лічбы мяняюцца штодня. Радуе, што з цягам часу ўраджайнасць пакрыху ўзрастае.

Амаль цалкам убраны азімы і яравы ячмень, рапсавыя палі.

Зараз асноўныя сілы накіраваны на ўборку пшаніцы — упарадкаваны ўжо 431 гектар.

Добра выраслі сёлета зернебабовыя. Сярэдняя іх ураджайнасць па раёне 24,5 ц/га, а ў ААТ “Ясеньскае” — 34,4 ц/га. Тут атрымалі 754 тоны з 308 гектараў.

Нядрэнна ўрадзіла азімае трыцікале: сярэднераённы здабытак — 27 ц/га, а ўбрана 540 гектараў з 1 014. Найлепшы вынік у ААТ “ЖорнаўкаАГРА” — 37,5 ц/га.