Спорт у Асіповіцкім раёне — на дастойным узроўні

У штогадовым спаборніцтве сярод гарадоў і раёнаў Магілёўскай вобласці па развіцці фізічнай культуры, спорту і турызму Асіповіччына заняла ганаровае другое месца.

Дасягненню такога высокага ўзроўню садзейнічалі шматлікія спартыўныя поспехі на працягу года. Так, у ліку лепшых вынікаў-2013 —  5 медалёў на чэмпіянатах свету і Еўропы па кікбоксінгу, два першыя месцы на чэмпіянаце Беларусі па лёгкай атлетыцы, 12 прызавых месцаў на чэмпіянаце вобласці па плаванні, 8 — па баскетболе, 3 — лёгкай атлетыцы, гандболе і шахматах.

Заняткамі фізкультурай, спортам і турызмам у раёне ахоплена каля 20% насельніцтва, чаму садзейнічае іх шырокая папулярызацыя і развітая спартыўная інфраструктура.