Інтэрнэт супраць бюракратыі
Амаль бязмежныя магчымасці “сусветнага павуціння” ў перадачы інфармацыі паступова ўкараняюцца ў афіцыйную справаздачнасць.
Чарговым дзяржорганам, які пачаў актыўны пераход на электронны дакументаабарот, стаў Фонд сацыяльнай абароны насельніцтва: напачатку кастрычніка ФСАН даў магчымасць здачы дакументаў персаніфікаванага ўліку ў электронным выглядзе праз уласны карпаратыўны партал (https://portal.ssf.gov.by)
Зараз ужо каля 20 арганізацый-плацельшчыкаў вядуць зносіны з ФСАН праз Iнтэр-нэт, і іх колькасць пастаянна расце. Напачатку гэтага ты-дня да парталу Фонда пад-ключылася першае з асіповіцкіх сельгаспрадпрыемстваў — СВК “Калгас “Карытнае”. Для гэтай гаспадаркі, як і для іншых плацельшчыкаў, што знаходзяцца далёка ад райцэнтра, перадача справа-здачнасці праз Iнтэрнэт дае не толькі зразумелую эканомію рабочага часу, але яшчэ і адчувальна скарачае транспартныя расходы, непазбежныя пры здачы справаздач усімі іншымі спосабамі.
Спецыялісты ФСАН добра разумеюць, што ў большасці плацельшчыкаў няма кваліфікаваных праграмістаў, а таму аказваюць дапамогу ў настройцы праграмнага забеспячэння і даюць кансультацыі па карыстанні магчымасцямі свайго парталу.