Асіповічы, увага! Конкурс!
Аддзел ідэалагічнай работы, культуры і па справах моладзі райвыканкама, народны аматарскі фотаклуб “Раніца” пры інфармацыйнай падтрымцы газеты “Асіповіцкі край” праводзяць раённы фотаконкурс “Зямля пад белымі крыламі”.
Работы прымаюцца ў дзвюх намінацыях: пейзаж (гарадскі, сельскі); раслінны і жывёльны свет.
Таксама могуць быць прадстаўлены фотаздымкі, якія адлюстроўваюць народныя традыцыі, характар і нацыянальныя асаблівасці жыхароў Беларусі.
На конкурс прымаюцца чорна-белыя і каляровыя здымкі памерам 20х30, 30х40(45), зробленыя на тэрыторыі нашай краіны. Кожная работа павінна суправаджацца анатацыяй па наступнай форме: назва здымка, намінацыя, прозвішча, імя, імя па бацьку аўтара, узрост, дамашні адрас, кантактны тэлефон.
Работы прадстаўляюцца да 10 чэрвеня па адрасе: г. Асіповічы, вул. Сумчанкі, 9 (РЦК).
Пераможцы будуць узнагароджаны дыпломамі і каштоўнымі прызамі.
Дадатковую інфармацыю можна атрымаць па тэл.: 26-6-30, 22-6-38.
