З 7 па 13 красавіка супрацоўнікамі АДАІ РАУС зарэгістравана пяць ДТЗ і папярэджана 130 правапарушэнняў; да адказнасці ў тым ліку прыцягнуты 14 пе-шаходаў і веласіпедыстаў; бяспраўнік і нецвярозы за рулём; тры вадзіцелі, якія не прадаставілі перавагу ў руху пешаходу, пяць — парушылі правілы перавозкі дзяцей у аўтатранспарце, тры — абгону, па адным — рухаліся на забараняючы сігнал святлафора ці парушылі правілы пераезду чыгуначных пуцей.

Дзяржаўтаінспекцыя нагадвае: пры руху на сродку персанальнай мабільнасці ў цёмны час сутак або пры недастатковай бачнасці дарогі пешаход павінен пазначыць сябе святлоадбівальным элементам, а на СПМ —  быць устаноўлена і ўключана фара, якая дазваляе своечасова выявіць перашкоду для дарожнага руху.

Аддзелам Дэпартамента аховы выяўлены два чалавекі, якія з’яўляліся ў нецвярозым стане ў грамадскім месцы; па адным — што здзейсніў сямейны скандал, дробнае хуліганства ці крадзеж, парушыў правілы дарожнага руху.

РАНС інфармуе: з мэтай зніжэння рызык узнікнення пажараў у жыллёвым фондзе і гібелі ад іх людзей з 21 па 25 красавіка на тэрыторыі Свіслацкага сельсавета пройдзе спецыяльнае прафілактычнае мерапрыемства “Дом без пажараў”.

ІАЖіРС складзены тры адміністрацыйныя пратаколы за парушэнне правіл рыбалоўства.