Адказвае ўчастковы інспектар міліцыі
4 марта 2025 9:45
— У ходзе канфлікту жонка абліла мяне кіпенем, патрапіўшы на грудзі і жывот. Як пакараць яе?Віктар З.
Старшы лейтэнант міліцыі Віталь Лягуцкі:
— Пасля звароту на лінію 102 або да ўчастковага інспектара міліцыі па факце будзе распачаты адміністрацыйны працэс. Па выніках судова-медыцынскай экспертызы ў залежнасці ад ступені цяжкасці цялесных пашкоджанняў у дачыненні да вашай жонкі складуць адміністрацыйны пратакол па артыкуле 10.1 КаАП краіны “Наўмыснае прычыненне цялеснага пашкоджання і іншыя гвалтоўныя дзеянні” альбо правядуць праверку ў рамках крымінальна-працэсуальнага заканадаўства, падчас якой будзе вырашана пытанне аб прыцягненні яе да адказнасці па артыкуле 153 або 149 Крымінальнага кодэкса.
