Хроніка здарэнняў
Супрацоўнікамі АДАІ РАУС на мінулым тыдні зарэгістравана два ДТЗ, папярэджана 199 правапарушэнняў. Адміністрацыйную адказнасць панеслі ў тым ліку чатыры бяспраўнікі, вадзіцель, які парушыў правілы абгону, тры — перавозкі дзяцей у аўтатранспарце, тры — што рухаліся на забараняючы сігнал святлафора; 22 пешаходы і веласіпедысты, з якіх два ў стане алкагольнага ап’янення.
Дзяржаўтаінспекцыя нагадвае: чырвоны сігнал святлафора, у тым ліку перарывісты, забараняе рух.
Аддзелам Дэпартамента аховы выяўлены тры чалавекі, якія парушылі ПДР, грамадзянін, які з’яўляўся ў нецвярозым стане ў грамадскім месцы, і зямляк, што здзейсніў дробны крадзеж.
Як паведамілі ў РАНС, 26 лютага пры пажары ў гаражы на тэрыторыі домаўладання на вул. Крупскай у райцэнтры пашкоджаны перакрыцце і дах, задымлены сцены і маёмасць памяшкання, пашкоджаны аўтамабіль. Прычына пажару высвятляецца.
МНС нагадвае: выпальванне сухой расліннасці на корані забаронена, парушэнне гэтага патрабавання ў адпаведнасці з арт. 16.40 КаАП краіны цягне адказнасць у выглядзе штрафу ад 10 да 30 базавых велічынь. ІАЖіРС складзены адміністрацыйныя пратаколы за парушэнне правіл лесакарыстання, захоўванне забароненых прылад рыбнай лоўлі і знаходжанне з такімі прыладамі на беразе ракі.
