Кніга ў цвёрдым пераплёце аб’яднала на 104 старонках 32 казкі. Дарэчы, калі браць менавіта гэты жанр, то “Зорныя карункі” ўжо трэці зборнік казак нашай таленавітай зямлячкі.

Творы з цікавымі і захапляльнымі сюжэтамі вучаць юных чытачоў быць чулымі, сумленнымі, працавітымі, паслухмянымі і паважлівымі да старэйшых, дапамагаць сябрам, жыць у згодзе з суседзямі, любіць родных і сваю Радзіму, а таксама заўважаць прыгажосць, якая навокал. Кніга разлічана на дзяцей малодшага школьнага ўзросту. Колькасць экзэмпляраў — 1 100.

Выхад у свет зборніка — выбітная падзея і для мясцовых журналістаў: аўтар лічыць, што ў пэўнай ступені “Асіповіцкі край” стаў натхняльнікам на стварэнне казак — яны публікаваліся амаль у кожным выпуску дзіцячай старонкі. Як расказала Лёля Багдановіч, магчыма, сёлета чытацкая аўдыторыя атрымае яшчэ адзін зборнік з 50 казак. У планы выдаўцоў гэта ўключана. Так што будзем чакаць “Зорныя арэлі” — такую назву будзе мець новае выданне.