Нарадзілася ў 1981 годзе.
Цікавасць да ведаў і настойлівасць у іх асваенні дазволілі скончыць з залатым медалём гарадскую СШ № 3. Для далейшай вучобы абрала Беларускую дзяржаўную сельскагаспадарчую акадэмію, спецыяльнасць — эканоміка і кіраванне на прадпрыемстве.
Па размеркаванні пачала працаваць эканамістам у СВК «Калгас «Ясень”.
З 2005 па 2009 год — дзяржаўны падатковы інспектар аддзела падаткаабкладання прадпрымальнікаў інспекцыі Міністэрства па падатках і зборах Рэспублікі Беларусь па Асіповіцкім раёне.
На кансервавым заводзе працуе з 2009 года. Займала пасаду галоўнага бухгалтара-начальніка фінансава-эканамічнага аддзела. Зарэкамендавала сябе дасведчаным, патрабавальным да сябе і другіх спецыялістам.

Зараз у планах маладога кіраўніка прадпрыемства — павелічэнне аб’ёмаў рэалізацыі прадукцыі, укараненне яе новых відаў.
Самым цікавым у рабоце лічыць зносіны з людзьмі і пакарэнне новых вяршынь.

З мужам Дзмітрыем Васільевічам выхоўваюць сыноў Андрэя і Мікіту.

«Дасягненні на працы без урону для сям’і” — такім прынцыпам карыстаецца па жыцці пачынаючы дырэктар Калтовіч. Якая ў вольны час любіць займацца хатнімі справамі, эксперыментаваць на кухні і чытаць.