Стаж работы Антаніны Краўцовай — 50 гадоў: чвэрць веку яна выхоўвала дзяцей у яслях-садзе № 1, а потым перайшла санітаркай у райбальніцу

Некалькі гадоў працавала ў прыёмным аддзяленні, і вось ужо больш за два дзесяцігоддзі — у гінекалагічным.

Зараз сфера яе адказнасці — калідоры, на якіх трэба сістэматычна наводзіць чысціню, дэзынфіцыраваць, кварцаваць і штодзень па графіку праводзіць генеральную ўборку асобных участкаў-элементаў. Сёння гэта батарэі, заўтра — плафоны асвятлення і гэтак далей. А яшчэ яна заўсёды дапамагае калегам. Напрыклад, разам з медсёстрамі рыхтуе перавязачны матэрыял, дастаўляе з аперацыйнай каталкі з пацыенткамі.

У абедзвюх сваіх прафесіях жанчына змагла максімальна поўна праявіць свае лепшыя якасці — дабрыню, чуласць, спагаду, адказнасць, працавітасць. Усіх выслухае і кожнаму дапаможа.