Падчас правядзення ХVII Міжнароднай спецыялізаванай выстаўкі «СМI ў Беларусі”, якая прайшла на мінулым тыдні ў Мінску, адбылося ўзнагароджванне пераможцаў штогадовага Рэспубліканскага конкурсу сярод журналістаў і сродкаў масавай інфармацыі на лепшае асвятленне пытанняў міжнацыянальных і міжканфесіянальных адносін, міжкультурнага дыялогу ў Рэспубліцы Беларусь і супрацоўніцтва з суайчыннікамі за мяжой.

Сярод іх і газета «Асіповіцкі край”, якая атрымала Дыплом Упаўнаважанага па справах рэлігій і нацыянальнасцей краіны. Прычым, гэта не першая ўзнагарода рэдакцыі ў такіх творчых спаборніцтвах сярод калектываў раённых друкаваных сродкаў масавай інфармацыі краіны.