Суботнік на Асіповіччыне
1 мая 2013 17:27
Многія калектывы і наогул жыхары Асіповіччыны прынялі ўдзел у суботніку, які прайшоў 27 красавіка. Яго галоўнай мэтай было навядзенне парадку пасля зімовага перыяду ў горадзе і населеных пунктах раёна, прывядзенне ў належны стан аб’ектаў раённай камунальнай гаспадаркі, мемарыялаў, месцаў баявой і воінскай славы.
Каля паўсотні дрэўцаў было пасаджана на прылягаючай да Алеі Герояў тэрыторыі работнікамі райвыканкама, наведзены парадак ля помніка на брацкай магіле савецкіх воінаў, партызан і ахвяр фашызму каля вёскі Цяплухі, працягваліся работы па добраўпарадкаванні могілак па вуліцы Юбілейнай і інш.
Нават сама прырода спрыяла важнай грамадскай справе: дзень пабіў тэмпературны рэкорд гэтага чысла за апошнія чатыры дзясяткі гадоў.
