Аддзелам культуры райвыканкама ўдзяляецца значная ўвага ўмацаванню матэрыяльна-тэхнічнай базы ўстаноў.
Так, за мінулы год на капітальны і бягучы рамонт аб’ектаў накіравана звыш 3,4 мільярда рублёў, у тым ліку на мадэрнізацыю мала-дзёжна-падлеткавага цэнтра “Равеснік” — два з паловай мільярды. Частка грошай пайшла на мантаж сістэмы відэаназірання ў раённых гісторыка-краязнаўчым музеі і Цэнтры культуры, а таксама на ўсталяванне пажарнай сігналізацыі на 6 аб’ектах культуры. У Дамы культуры аграгарадкоў Вяззе і Ясень куплена сцэнічнае адзенне, кошт якога склаў прыкладна 160 мільёнаў. На абсталяванне бібліятэк камп’ютарнай тэхнікай і яе мадэрнізацыю затрачана 373, закупку відэапраекцыйных сістэм — 19,9 мільёна рублёў.
11 устаноў культуры абсталяваны новымі камплектамі гукавой апаратуры.