Газета “Асіповіцкі край” у чарговы раз увайшла ў лік пераможцаў конкурсу на лепшае асвятленне ў СМI тэмы будаўніцтва і развіцця Узброеных Сіл, атрымаўшы Дыплом I ступені ў намінацыі “Цеснае і плённае супрацоўніцтва”.
Творчае спаборніцтва, да ўдзелу ў якім запрашаюцца друкаваныя выданні, тэле- і радыёкампаніі, інфармацыйныя агенцтвы, сёлета праводзілася ўжо ў шосты раз. У гэтым годзе за 17 прызавых месцаў у чатырох намінацыях змагаліся 63 прэтэндэнты, пераважна прадстаўляючыя рэгіянальныя СМI.
Наша газета — сярод пастаянных удзельнікаў узгаданага конкурсу, і яна традыцыйна ўваходзіць у лік найбольш актыўных творчых калектываў раённых друкаваных сродкаў масавай інфармацыі краіны ў асвятленні ваенна-патрыятычнай тэматыкі.