Наталля Ільюшчанка, начальнік участка продажу паслуг Асіповіцкага ЗВЭС:

— Упершыню ў гісторыі суверэннай Беларусі выбары дэпутатаў усіх узроўняў пройдуць у новым фармаце. І калі з выбарам, за каго аддаць свой голас, нам яшчэ трэба будзе вызначыцца, то адказ на пытанне, чаму трэба ісці на выбары, відавочны. Мы будзем галасаваць за нашу будучыню, будучыню дзяцей і ўнукаў. Таму голас кожнага — гэта яго асабісты ўклад у стабільнасць і росквіт Беларусі. Адпаведна выбар павінен быць адказным і прадуманым.

Для многіх спецыялістаў нашай арганізацыі ўдзел у выбарах ужо стаў добрай сямейнай традыцыяй. На выбарчыя ўчасткі прыходзяць усе члены сям’і: бабулі, дзядулі, мамы і таты з дзецьмі. Такі падыход нязменна дасць добрыя ўсходы. Калі нашым дзецям споўніцца 18 гадоў, яны ўжо будуць разумець, што гэта не толькі цікавая традыцыя, якую варта перадаць далей, але і абавязак і права як грамадзян краіны.