На мінулым тыдні супрацоўнікамі АДАІ РАУС папярэджана 161 правапарушэнне, да адказнасці прыцягнута пяць бяспраўнікаў; 25 пешаходаў і веласіпедыстаў, два з якіх былі ў стане алкагольнага ап’янення; чатыры вадзіцелі, якія рухаліся на забараняючы сігнал святлафора, 11 — парушылі правілы перавозкі дзяцей у аўтатранспарце. Зарэгістравана два дарожна-транспартныя здарэнні.

Увага! Па 11 лютага Дзяржаўтаінспекцыя праводзіць мэтавыя мерапрыемствы па папярэджанні наездаў на ўразлівых удзельнікаў дарожнага руху. Інфармацыю аб удзельніках дарожнага руху, паводзі-ны якіх небяспечныя і патрабуюць прыняцця неадкладных мер па выдаленні з праезнай часткі, а таксама аб іншых фактах, якія ўплываюць на бяспеку, паведамляйце па нумары 102.

Як паведамілі ў РАНС, 4 чысла атрымаў апёкі асіпаўчанін 1991 г.н. Як паказала праверка, здарылася гэта ў гаражы па месцы яго жыхарства, дзе грамадзянін праводзіў агнявыя работы. Будынак у выніку пажару не пашкоджаны.

МНС нагадвае: месца правядзення агнявых работ павінна быць ачышчана ад гаручых рэчываў і матэрыялаў на адлегласці не менш разлёту іскраў, а таксама забяспечана парашковым вогнетушыцелем з масай рэчыва не менш за восем кілаграм.

ІАЖіРС складзены тры адміністрацыйныя пратаколы за захоўванне забароненых прылад рыбнай лоўлі, два — парушэнне правіл лесакарыстання.