Эфектыўнасць яго работы ў многім залежыць ад таго, які ўраджай вырасцілі аграрыі. Таму кожнае жніво работнікі ўчастка сочаць за ходам уборкі: ведаюць, што хутка і для іх пачнецца гарачая пара. Бягучы год на вытворчым участку праходзіць даволі паспяхова — дзяржзаказ выкананы цалкам.

Зерне прывозіцца сюды з усёй вобласці — усяго каля 60 тысяч тон збожжа дастаўлена. А, напрыклад, ураджай аўса Магілёўшчыны цалкам перапрацоўваецца менавіта на нашым участку.

На захоўванне пакладзена не толькi асноўная сыравіна для вытворчасці мукі i круп (жыта, пшаніца, ячмень i авёс харчовыя), але грэчка i проса, якія прызначаны для перапрацоўкі на iншых камбінатах хлебапрадуктаў. План па асноўных культурах перавыкананы, а вось грэчкі сёлета нарыхтавалі крыху менш. Назапашаны ў поўным аб’ёме дзяржрэзерв.

У гэтым сезоне на элеватар была завезена новая культура — проса. Найбольш сабралі яго Шклоўскі і Мсціслаўскі раёны. Значэнне гэтай культуры ў агульнай вытворчасці ў далейшым будзе ўзрастаць.

За дзевяць месяцаў бягучага года мукi выраблена на 30% больш, чым у аналагічны перыяд мінулага года.

Участак запяспечвае мукой аржаной абдзірной, сеянай і аўсянай хлебапякарную прамысловасць не толькі нашага і Бабруйскага, але і прылеглых раёнаў, а таксама іншых рэгіёнаў краіны.

Вытворчасць крупяной прадукцыі сёлета ў цэлым ніжэй, чым за той жа перыяд летась. Аднак практычна ўвесь аб’ём рэалізуецца па знешнегандлёвых дагаворах. Экспарт круп сёлета павялічыўся.

На ранейшым ўзроўні застаецца вытворчасць прадукцыі з высокім дабаўленым коштам (шматкі аўсяныя, грэцкія) для мэт насычэння ўнутранага рынку таварамі айчыннай вытворчасці. Стратэгія развіцця вытворчага ўчастка накіравана галоўным чынам на павелічэнне выпуску гэтай катэгорыі прадукцыі і вытворчасць новых відаў (шматкі пярловыя). Нязначна вырасла вытворчасць прадукцыі, расфасаванай у дробную тару.

Асноўная сыравіна для вытворчасці мукі — жыта і пшаніца харчовыя, для круп — ячмень і авёс харчовыя.

Прадукцыя ААТ “Бабруйскі камбінат хлебапрадуктаў” адносіцца да такой катэгорыі тавараў, якія вырабляюцца на многіх КХП і маюць падобныя характарыстыкі. Таму прадпрыемства імкнецца выпускаць прадукцыю толькі выдатнай якасці, каб выклікаць зацікаўленасць у патэнцыяльных пакупнікоў. А попыт на яе заўсёды ёсць.

Кіраўнік участка Іна Зайцава ганарыцца сваім калектывам: начальнікам элеватарнай гаспадаркі Уладзімірам Еўдакімовічам, галоўным інжынерам  Сяргеем Сушко, бухгалтарамі Валянцінай Смірновай, Святланай Ніціеўскай. Ды і ў кожным падраздзяленні ёсць высакакласныя спецыялісты. Работу ўчаст-ка цяжка ўявіць без Алены Сугака, Таісы Палосікавай, Юліі Жук, Аляксандры Нагорнай, Наталлі Вавула, Вольгі Бяляевай, Вольгі Гладковай, Жанны Лозікавай, Аксаны Казачонак, Андрэя Курса, Дзмітрыя Налівайкі, Аляксандра Гуліка, Святланы Дрозд, Яніны Каржэвіч, Людмілы Сухоцкай і многіх іншых працаўнікоў. Усе яны заняты адной пачэснай справай, важнай для рэгіёна і   неабходнай усім землякам.