Супрацоўнікамі АДАІ РАУС з 9 па 15 кастрычніка зафіксавана пяць ДТЗ, папярэджана 171 правапарушэнне. Адміністрацыйную адказнасць панеслі два бяспраўнікі; восем парушальнікаў правіл перавозкі дзяцей у аўтатранспарце і адзін — абгону; тры вадзіцелі, што рухаліся падчас забараняючага сігналу светлафора; 20 пешаходаў і веласіпедыстаў, адзін з якіх нецвярозы.

Увага! Па 30 чысло супрацоўнікі Дзяржаўтаінспекцыі па ўсёй вобласці праводзяць комплекс прафілактычных мерапрыемстваў, накіраваных на папярэджанне дарожна-транспартных здарэнняў з удзелам вадзіцеляў аўтамабіляў таксі і аўтобусаў. Рэйдавыя мерапрыемствы пройдуць з выкарыстаннем сродкаў фота- і відэафіксацыі парушэнняў.

Аддзелам Дэпартамента аховы выяўлены сямейны скандаліст.

Па інфармацыі РАНС, на мінулым тыдні пажараў не зафіксавана. Ратавальнікі нагадваюць: электрапрыборы па заканчэнні тэрміну эксплуатацыі ператвараюцца ў патэнцыяльную крыніцу небяспекі — замяніце састарэлыя! Сыходзячы з хаты або ўкладваючыся спаць, не забывайцеся выключаць электрапрыборы з сеткі.

ІАЖіРС складзены два адміністрацыйныя пратаколы па фактах захоўвання забароненых прылад лоўлі, чатыры — за парушэнне правіл лесакарыстання.