Да ацяпляльнага перыяду УКП ЖКГ правяло комплекс неабходных работ, каб халады не засталі знянацку

Сістэмы запоўнены і адрэгуляваны, створаны патрэбны запас паліва. Кадрамі забяспечаны, абслуговы персанал падрыхтаваны да работы ў зімовых умовах. Паспартызацыю прайшлі ўсе аб’екты.

Як толькі райвыканкам прыме адпаведнае рашэнне, ацяпленне будзе пададзена. Як заўсёды, спачатку ў дзіцячыя і медыцын-скія ўстановы (пры сярэднясутачнай тэмпературы 10°С), потым — жыллёвы сектар (8°С), затым — у грамадскія і адміністрацыйныя будынкі.

Міні-ЦЭЦ да ацяпляльнага перыяду таксама падрыхтавалася. Праведзены рамонт асноўнага абсталявання кацельні, катлоў і цепласетак.

Заменены на папярэднеізаляваныя трубы ўчастак цепласетак працягласцю крыху больш за кіламетр на вуліцы Першамайскай. Зроблены рамонт з заменай  участка цепласеткі да цэнтральнага цеплапункта № 9 (раён СШ № 1), участка цепласеткі да ЦЦП № 4 (вул. Гагарына). Створаны запас мясцовых відаў паліва (пры плане 10 000 т нарыхтавалі 11 800 т трэсак).

Добра падрыхтаваліся цеплаэнергетыкі і арганізацыйна: праведзены планавыя супраць-аварыйныя трэніроўкі з персаналам. Распрацаваны план узаемадзеяння з арганізацыямі горада і раёна па ліквідацыі аварыйных сітуацый на аб’ектах цеплазабеспячэння. Падрыхтаваны ўсе неабходныя матэрыялы і абсталяванне. У поўным аб’ёме выконваюцца графікі па рамонце электра- і цепламеханічнага абсталявання станцыі.