Супрацоўнікамі АДАІ РАУС на мінулым тыдні папярэджана 169 правапарушэнняў. Адміністрацыйную адказнасць панеслі чатыры нецвярозыя за рулём, пяць бяспраўнікаў, вадзіцель, які парушыў правілы абгону, шэсць парушальнікаў правіл перавозкі дзяцей у аўтатранспарце, а таксама 25 пешаходаў і веласіпедыстаў, з якіх пяць у стане алкагольнага ап’янення. Зарэгістравана чатыры ДТЗ.

Дзяржаўтаінспекцыя нагадвае: пешаход пры перамяшчэнні на ролікавых каньках, лыжах, іншым спартыўным інвентары, сродках персанальнай мабільнасці павінен перасякаць праезную частку дарогі з хуткасцю пешахода, які ідзе крокам, пераканаўшыся, што выхад (выезд) на праезную частку дарогі бяспечны.

Аддзелам Дэпартамента аховы выяўлены па два чалавекі, што здзейснілі сямейны скандал,  дробнае хуліганства, крадзеж, з’яўляліся ў нецвярозым стане ў грамадскім месцы.

Як паведамілі ў РАНС, 26 верасня пры пажары дома на вул. Веры Харужай у райцэнтры жанчына 1940 г.н. атрымала апёкі, ад якіх пазней памерла ва ўстанове аховы здароўя. 1 кастрычніка полымем знішчаны жылы дом на   вул. Сонечнай у Яноўцы. Прычыны здарэнняў высвятляюцца.

МНС нагадвае: каб падрыхтаваць печ да ацяпляльнага сезона, варта праверыць яе спраўнасць: пераканацца ў адсутнасці расколін у муры печаў і дымавых труб; правесці ачыстку комінаў ад сажы; абтынкаваць і пабяліць коміны; праверыць цягу ў печы.

ІАЖіРС складзены адміністрацыйныя пратаколы за захоўванне незаконных прылад лоўлі і парушэнне правіл рыбалоўства.