20 фактаў пра АЗАА
63 24 сентября 2023 10:26
- Завод займае тэрыторыю больш за 41 га, з якіх на 40 га знаходзяцца вытворчыя памяшканні.
- На заводзе функцыянуе пяць асноўных цэхаў і столькі ж дапаможных, чатыры непрамысловыя групы і 46 структурных падраздзяленняў заводаўпраўлення.
- Самым першым пачаў функцыянаваць цэх алюмініевага ліцця.
- Самы “малады” — цэх пластмас.
- На заводзе працуе 1 504 чалавекі.
- Колькасць найменняў вырабаў, якія выпускаюцца на прад-прыемстве, налічвае каля 4 000.
- Самая маленькая дэталь, якая вырабляецца на заводзе, — заглушка дыяметрам 15 мм.
- Самы вялікі выраб — зборная канструкцыя цялятніка.
- На заводзе выпускаецца інавацыйная прадукцыя — мульціруль і бескантактнае сядзенне.
- Найбольш працаёмкімі ў вытворчасці з’яўляюцца кабіны Мінскага завода калёсных цягачоў.
- Пасажырскія сядзенні найбольш запатрабаваныя ў кліентаў, а вось лодку акадэмічную заказваюць рэдка.
- За восем месяцаў бягучага года на заводзе выраблена прадукцыі больш чым на 84 мільёны рублёў, тады як за аналагічны перыяд мінулага года — больш чым на 64 мільёны рублёў.
- За гады работы завода некаторыя прафесіі сышлі ў нябыт. Сярод іх бакелітчык, табельшчык, сакратар-машыніст, землямер, змазчык-эмульсавар.
- 1 студзеня 2009 года на заводзе працавала найбольшая колькасць чалавек — 2 953 работнікі.
- Больш усяго чалавек працуе ў цэху шклапластыкавых кабін, а менш за ўсё — у цэху алюмініевага ліцця.
- Яўгеній Яцыновіч з’яўляецца рэкардсменам па працоўным стажы: на АЗАА ён прарабіў амаль 49 гадоў.
- Ёсць тут працоўныя дынастыі. Найбольш вялікія — Ангерчыкі і Стаблецкія (Паўловічы).
- Сярэдні ўзрост нашага аўтаагрэгатчыка — 46 гадоў.
- За апошнія дзесяць гадоў бягучы стаў для аўтазавадчан самым прадукцыйным.
- Самы спартыўны работнік — Таццяна Булгакава, найбольш артыстычным сябе паказаў Юрый Гарбачоў.
