Народны ансамбль народнай песні і музыкі “Люлечка” днямі вярнуўся з ХХІ Міжнароднага фестывалю народнага мастацтва і рамёстваў “Садко”, які праходзіў у Вялікім Ноўгарадзе.

У мерапрыемстве прынялі ўдзел калектывы з Санкт-Пецярбурга, Карэліі, Удмурціі, Башкартастана і іншых рэгіёнаў Расійскай Федэрацыі.

Народныя традыцыі сёння выклікаюць вялікую цікавасць жыхароў суседняй краіны, яны запатрабаваныя і развіваюцца. А гэтаму вельмі спрыяюць міжнацыянальныя зносіны і міжкультурны дыялог, часткай якіх і з’яўляюцца падобныя фестывалі.

Прыемна, што творчыя здабыткі асіпаўчан пакінулі вялікае ўражанне.

“Люлечка” адзначана Дыпломамі ХХІ Міжнароднага фестывалю народнага мастацтва і рамёстваў “Садко” і XLVI абласнога традыцыйнага свята фальклору і рамёстваў у Вітаслаўліцах, які прайшоў у рамках першага.