Фізкультурна-аздараўленчы комплекс «Жамчужына» 3 ліпеня будзе працаваць з 9 да 21 гадзіны.

Па інфармацыі аддзела землеўпарадкавання райвыканкама, за пяць месяцаў года землякамі набыта па два зямельныя ўчасткі ў горадзе і раёне для будаўніцтва і абслугоўвання жылых дамоў. Яшчэ 23 чалавекі сталі ўладальнікамі зямельных участкаў для калектыўнага садоўніцтва.

Паслугай часовага прытулку ў крызісным пакоі сёлета скарыстаўся адзін чалавек, які пацярпеў ад дамашняга гвалту. Калі хтосьці аказаўся ў падобным становішчы, неабходна звярнуцца ў раённы цэнтр сацабслугоўвання насельніцтва або па тэлефоне 56-238.

У намінацыі “Спадчына. Салісты” XII Рэспубліканскага творчага радыёконкурсу «Маладыя таленты Беларусі», які праходзіў пад знакам Года міру і стварэння, навучэнка аб’яднання па інтарэсах ЦТДіМ Вольга Бароніна (кіраўнік Таццяна Салі-мон) заваявала Дыплом ІІ ступені.

Сталярны цэх УКП ЖКГ за пяць месяцаў вырабіў 67 кубаметраў піламатэрыялаў, 13 м3 дзвярных і 4 м3 аконных блокаў, 60 м3 шчытоў агароджавых і тры лаўкі.

Работнікамі Градзянскага сельвыканкама сёлета абследавана 17 арганізацый і 342 домаўладанні, на аснове якіх выда-дзена 31 прадпісанне, у тым ліку 17 кіраўнікам. Ліквідавана 15 несанкцыянаваных сметнікаў агульнай пло-шчай 38 кубаметраў. Скошана трава на 2,5 га тэрыторыі агульнага карыстання. Наведзены парадак на васьмі могілках. 17 мест захаванняў воінаў і партызан Вялікай Айчыннай вайны падтрымліваюцца ў належным стане. Прададзены тры безгаспадарныя дамы, для ліквідацыі шасці сабраны пакет дакументаў.

У рэспубліканскай спартакіядзе школьнікаў-2023 у спаборніцтве па плаванні сярод юнакоў 2007 г.н. і малодшых і дзяўчат 2008 г.н. і малодшых у складзе зборнай каманды Магілёўшчыны выступалі юныя выхаванцы Асіповіцкай ДЮСШ гімназісты Дзмітрый Крэпскі, Валерыя і Лізавета Дамброўскія, навучэнка СШ № 1 Аліна Капейкіна (трэнер Натэла Нанава). Валерыя Дамброў-ская ў плаванні на 100 м брасам заняла другое месца, Лізавета Дамброўская і Аліна Капейкіна ў эстафеце сярод дзяўчат 4х50 метраў у складзе каманды сталі трэцімі.