Палатачны стацыянарны краязнаўчы лагер “Радзімічы” чакае рабят 11-17 гадоў на першую змену, якая пройдзе з 15 па 23 чэрвеня.
Гайда ў “Радзімічы”!
Вось яно — доўгачаканае лета! Час гульняў, забавак, калі можна адпачыць ад школьных клопатаў, папоўніць сілы, аднавіць здароўе і самому выбіраць сабе занятак. Асаблівай папулярнасцю сярод дзяцей і, канечне, іх бацькоў карыстаюцца лагеры розных напрамкаў. Амаль ва ўсіх дзеці ўжо адпачываюць. Але, калі вы не паспелі арганізаваць летні вольны час сваіх сыноў ці дачок, яшчэ ёсць магчымасць гэта зрабіць.
Палатачны стацыянарны краязнаўчы лагер “Радзімічы” чакае рабят 11-17 гадоў на першую змену, якая пройдзе з 15 па 23 чэрвеня. Звычайны дзень тут будзе напоўнены рознымі мерапрыемствамі: рухомымі гульнямі, віртуальнымі падарожжамі, урокамі талерантнасці, знаёмствам з гістарычнымі падзеямі і цікавымі людзьмі, экскурсіямі, віктарынамі, тэматычнымі дыскатэкамі і спартыўнымі спаборніцтвамі.
Жадаючыя запісацца ў стацыянарны края-знаўчы лагер “Радзімічы” могуць патэлефанаваць па нумары +375 29 316-10-34.