Забарона на наведванне лясоў.Як паведамілі ў лясгасе і райаддзеле па надзвычайных сітуацыях, у Асіповіцкім раёне дзейнічае забарона на наведванне лясоў.

З-за сухога надвор’я і моцных вятроў на Асіповіччыне ўсталяваны 4 клас пажарнай небяспекі, што ў адпаведнасці з рашэннем райвыканкама ад 10 красавіка 2020 г. № 12-83 і стала падставай для ўвядзення забаронных мер. Зноў наведваць тэрыторыю дзяржлясфонду будзе дазволена пры стабілізацыі становішча.

Нагадваем: у перыяд забароны грамадзянам нельга знаходзіцца ў лясных масівах, таксама абмежаванне дзейнічае на ўезд транспартных сродкаў, за выключэннем тэхнікі юрыдычных асоб, якія вядуць лясную гаспадарку, і органаў, што ажыццяўляюць кантроль у адпаведнасці з арт. 106 Ляснога кодэкса РБ, а таксама органаў і сіл забеспячэння нацыянальнай бяспекі.

Па даных Мінлясгаса на раніцу 22 мая, усяго ў рэспубліцы забарона і абмежаванне на наведванне лясоў уведзена ў 117 раёнах.

З актыўнай інфармацыяй аб раёнах, у якіх уводзіцца або здымаецца забарона на наведванне лясоў, можна азнаёміцца на сайце Міністэрства лясной гаспадаркі mlh.by ці непасрэдна ў лясгасах.