Сёння Беларуская рэспубліканская піянерская арганізацыя адзначае Дзень піянерскага сяброўства

Гісторыя свята пачалася ў далёкім 1922 годзе, калі была створана Усесаюзная піянерская арганізацыя. Працягвае традыцыі піянерскага руху арганізацыя для дзяцей, падлеткаў і дарослых — грамадскае аб’яднанне «БРПА».

Гэта адно з самых масавых дзіцячых аб’яднанняў краіны, якое налічвае больш за 573 тысячы ўдзельнікаў.

Ва ўсіх школах раёна адбудзецца ўрачыстая лінейка і пройдзе акцыя “Салют піянерскаму папаўненню”. Да БРПА далучыцца 57 рабят, усяго ж у грамадскае аб’яднанне Асіповіччыны ўваходзіць чатыры тысячы школьнікаў. Знакавай падзеяй стане паездка вучняў Лапіцкай СШ у мемарыяльны комплекс “Хатынь”, дзе 22 хлопчыкі і дзяўчынкі будуць прыняты ў піянеры.

Прыемным падарункам стала тое, што напярэдадні свята каманда гімназіі “Пагранцы” ўвайшла ў тройку лепшых сярод каманд вобласці па выніках ваенна-патрыятычнай гульні “Зарнічка” для малодшых школьнікаў.