На пачатак тыдня ў раёне было засеяна 2 685,3 гектара зерневымі і зернебабовымі культурамі, 6 713 га — кукурузай на зерне і сілас, 365 га занялі аднагадовыя травы і 604 — шматгадовыя

На пачатак тыдня ў раёне было засеяна 2 685,3 гектара зерневымі і зернебабовымі культурамі, 6 713 га — кукурузай на зерне і сілас, 365 га занялі аднагадовыя травы і 604 — шматгадовыя.

Ва ўсіх гаспадарках раёна завершана падкормка азімых зерневых культур. Вядзецца падкормка шматгадовых траў і хімпраполка яравых зерневых. Да таго ж аграрыі працягваюць сеяць кукурузу.

Сярод тых, хто задзейнічаны ў гэтай справе, — механізатар дзяржаўнага прадпрыемства “Вязаўніца-Агра” Валерый Ганчаронак. Нарадзіўся ён у Вязаўніцы і больш за 30 гадоў працуе на зямлі. Валерый Лявонавіч знаёмы з працай аграрыя з дзяцінства, пераняў павагу да яе ад бацькі-механізатара. Ён здольны выконваць усе палявыя работы і віртуозна кіруе рознымі відамі сельскагаспадарчай тэхнікі. Акрамя таго, паспявае даглядаць уласную гаспадарку. “Толькі той, хто працаваў на зямлі шмат гадоў, разумее, як цяжка адарвацца ад гэтай справы, бо прырос да яе каранямі і сэрцам”, — гаворыць Валерый Ганчаронак.