Учора ў школах раёна пачалі работу і будуць функцыянаваць па 1 красавіка ўключна школьныя лагеры.

Арганізавана адпачываюць 262 хлопчыкі і дзяўчынкі. У райцэнтры самы шматлікі лагер у СШ № 1, які наведваюць 38 дзяцей, сярод сельскіх школ можна адзначыць Ліпеньскую: сюды на канікулярным тыдні штораніцы спяшаюцца 29 вучняў.

Дзеці атрымліваюць трохразовае збалансаванае харчаванне. Бацькоўская даплата ў залежнасці ад узросту школьнікаў складае ад 19,8 да 25 рублёў.

Для рабят прадугледжана шмат цікавага: паходы ў кінатэатр і заняткі плаваннем, экскурсіі ў музей і знаёмства з работай прадпрыемстваў, разнастайныя творчыя конкурсы і спартыўныя спаборніцтвы.