У выхадныя ў Бялынічах адбылася зімовая спартакіяда дэпутацкага корпуса Магілёўшчыны, дзе сабралося больш за 200 чалавек у складзе 24 каманд. Удзельнікі вызначалі лідараў у плаванні, дартсе, стральбе і іншых відах спаборніцтваў, у тым ліку забаўляльных. Асабліва эмацыянальна прайшло кіданне валёнка.

У мерапрыемстве ўдзельнічала і асіповіцкая каманда. Яе ўзначаліў старшыня раённага Савета дэпутатаў Сяргей Сувееў. Вось што ён расказаў:

— Спартакіяда праходзіла ў фізкультурна–аздараўленчым комплексе “Друць”, была пры-свечана Году міра і стварэння і арганізавана на самым высокім узроўні. Ніхто з нашых дэпутатаў не займаецца спортам на  сур’ёзным узроўні, таму лідзіруючых пазіцый у турнірнай табліцы мы не занялі, але і не ставілі такіх мэт. Затое ўсе — прыхільнікі здаровага ладу жыцця, да гэтага заклікаем і землякоў.

У спартакіядзе перамагла каманда Магілёўскага раёна, Горацкі і Бабруйскі занялі другое і трэцяе месцы адпаведна.

Яшчэ дэпутаты паглядзелі канцэрт, падрыхтаваны работнікамі культуры Бялыніччыны. Наладзілі стасункі з калегамі, абмяняліся з імі вопытам работы з насельніцтвам па фарміраванні здаровага ладу жыцця, штосьці ўзялі на ўзбраенне. Так што мерапрыемства прайшло даволі плённа.