Супрацоўнікамі АДАІ РАУС з 5 па 11 снежня зарэгістравана дзесяць дарожна-транспартных здарэнняў. Папярэджана 182 правапарушэнні, да адказнасці прыцягнуты шэсць бяспраўнікаў, 13 парушальнікаў правіл перавозкі дзяцей у аўтатранспарце і два — абгону; чатыры вадзіцелі, якія не прадаставілі пешаходу перавагу ў руху, і тры, што не абсталявалі транспартны сродак зімовымі шынамі; 28 пешаходаў і веласіпедыстаў, пяць з іх нецвярозыя.

Аддзелам Дэпартамента аховы выяўлены дзве асобы, якія з’яўляліся ў нецвярозым выглядзе ў грамадскіх месцах.

У РАНС паведамілі: 8 чысла пры пажары прыватнага жылога дома на вул. Чумакова ў райцэнтры пашкоджаны дах, перакрыцце і маёмасць;  11-га гарэла сцяна жылога дома на зав. Савецкім у Пратасевічах. Пацярпелых няма, прычыны пажараў устанаўліваюцца.

МНС нагадвае: у халодную пару года ратавальнікі рэгіструюць павелічэнне колькасці пажараў з-за пячнога ацяплення. Закладам бяспекі з’яўляецца печ без расколін з абтынкаваным і пабеленым комінам. У выпадку пажару тэлефануйце на 101 або 112!

ІАЖіРС выяўлены тры факты парушэнняў з прыкметамі крымінальнага злачынства: паляванне без адпаведных дакументаў на казулю і бабра, а таксама перамяшчэнне птушкі, унесенай у Пералік відаў жывёл і раслін, якія падпадаюць пад дзеянне Канвенцыі аб міжнародным гандлі відамі дзікай фаўны і флоры, якія знаходзяцца пад пагрозай знікнення.