Молодые специалисты пополнили сферу здравоохранения Осиповичского района

У мностве прафесій існуюць такія, што не звяртаюць на сябе асаблівай увагі, іншыя выклікаюць цікавасць або застаўляюць задумацца, чым займаюцца іх носьбіты. А ёсць адна, з прадстаўнікамі якой сутыкаўся кожны і ў адсутнасці па якой вакансій у раёне зацікаўлены ўсе. Безумоўна, гэта датычыць прафесіі ўрача.

Кожнае лета маладыя спецыялісты папаўняюць штат раённай бальніцы. Сёлета таксама ў многіх аддзяленнях, кабінетах, аперацыйных і бальнічных палатах можна ўбачыць новых дактароў. Напрыклад, у паліклі-ніцы вядуць прыём урачы агульнай практыкі Нэлі Галадок, Аляксандр Шкурын, Эдуард Дрозд і Вольга Рагожнікава, а таксама памочнік урача Раман Бода і медсястра Паліна Ладзейка, якіх вы бачыце на здымку і якія толькі на хвілінку сабраліся разам, каб сфатаграфавацца. А вось хірург Максім Кісялёў нават на невялікі час не змог пакінуць прыём. Яно і зразумела: перад хірургічным кабінетам заўсёды шматлюдна, а хворым на мыліцах, у гіпсе ды пасля перанесеных аперацый кожная хвіліна аддаецца болем.

І хоць сярод маладых спецыялістаў толькі двое мясцовыя, пацыенты спадзяюцца, што кожны з медыкаў звяжа свой далейшы лёс з горадам, у якім знайшоў першае рабочае месца.