Бусел на даху ‒ мір на зямлі

Каля гасцініцы завода аўтамабільных агрэгатаў на вуліцы 60 гадоў Кастрычніка сёння пасялілася сям’я буслоў. Інсталяцыя з’явілася невыпадкова. Як даведаліся на заводзе, у кіраўніцтва даўно была задумка неяк аб’яднаць у адно цэлае паняцці сям’і, нацыянальнасці і дабрабыту. Рэалізацыя атрымалася вельмі прыгожай і жывой.

Сімвалічна і тое, што ў інтэрнаце жывуць сямейныя пары, якія працуюць на важным для горада прадпрыемстве. Напэўна, ўсім жыхарам і гасцям горада прыйдзецца даспадобы такі трапяткі падарунак.