Летась работнікі райвузла электрасувязі Магілёўскага філіяла РУП «Белтэлекам” усталявалі на Асіповіччыне 1.606 тэлефонаў. На гэты год запланавана падключыць яшчэ 800 абанентаў. Рыхтуецца праект разблакіроўкі спараных гарадскіх тэлефонаў. Завяршаецца замена старога абсталявання на лічбавае на квазі-электроннай станцыі па вуліцы Рабоча-Сялянскай, што дазволіць палепшыць якасць паслуг, аказваемых жыхарам паўднёвай часткі горада.

Пашыраецца колькасць кліентаў «Белтэлекама” і на раёне. Сёлета высакаскорасны Інтэрнэт («byfly”) і інтэрактыўнае тэлебачанне гандлёвай маркі «ZАLА” з’явяцца ў Цэлі, Вязаўніцы, Каўгарах, Дараганаве і Каменічах, будзе працягвацца аказанне гэтых паслуг жыхарам Забалацця, Свіслачы, Вяззя і п. Сасновы.