Нядаўна больш за 30 педагогаў Беларусі ўпершыню атрымалі новую кваліфікацыйную катэгорыю — “настаўнік-метадыст”. Прысвойваецца яна тым, хто адпрацаваў у вышэйшай катэгорыі не менш за 3 гады і мае прызнаны калегамі эфектыўны прафесіянальны вопыт. Гэта лепшыя кадры, якія рэалізуюць праграмы агульнай сярэдняй адукацыі рознага ўзроўню і працуюць на павышэнне прэстыжу працы настаўніка. Пры-емна, што ў іх ліку і выклад-чык рускай мовы і літаратуры гімназіі г. Асіповічы, фіналістка рэспубліканскага конкурсу “Настаўнік года-2006” Таццяна АмбрушкевIч. Дарэчы, яна ўваходзіць у склад рэспубліканскага клуба “Хрустальны журавель”, педагогі якога хочуць і могуць падзяліцца сваімі напрацоўкамі з калегамі, у асяроддзі настаўнікаў пастаянна праводзяць семінары і майстар-класы, даюць адкрытыя ўрокі ў незнаёмых класах, актыўна ўдзельнічаюць у абмеркаванні актуальных пытанняў адукацыі.
На пытанне, ці складана быць першапраходцам, яна адказала, што любіць пераадольваць цяжкасці, гэта ў яе характары. “Калі ставіш мэту і дасягаеш яе, атрымліваеш вялікі энергетычны зарад, які падштурхоўвае на новыя творчыя ідэі”, — адказала Таццяна Львоўна.
А іх і сапраўды ў настаўніка-метадыста Амбрушкевіч багата.