РАУС
У перыяд з 9 па 15 верасня зарэгістравана 3 выпадкі крадзяжоў і 2 — вырабу самагону. Раскрыта 3 раней здзейсненыя злачынствы. Узбуджана 9 крымінальных спраў.
9 чысла ў асіпаўчанкі з вуліцы Паўднёвай былі скрадзены 400 тысяч рублёў і 2 залатыя пярсцёнкі.
ДАI
Спынена 157 парушэнняў правіл руху, прыцягнута да адказнасці 6 п’яных вадзіцеляў, 78 парушальнікаў хуткаснага рэжыму. Складзены пратаколы на 6 пешаходаў без святлоадбіваючых элементаў. Адбылося 9 ДТЗ.
Раніцай 13 верасня 58-гадовы асіпаўчанін на матацыкле «МТ-10-36» на аўтадарозе Мінск-Гомель паблізу вёскі Цэль пры павароце налева праявіў няўважлівасць і сутыкнуўся з аўтамабілем «Пежо». У выніку ДТЗ вадзіцель матацыкла і яго пасажыр загінулі на месцы.
АУСТ
Складзена 69 адміністрацыйных пратаколаў. Суправоджаны 81 цягнік, выяўлена 13 пасажыраў, якія не сябруюць з законам. Зарэгістравана 13 выпадкаў правапарушэнняў. У медвыцвярэзнік накіраваны 10 чалавек.
РАНС
Адбылося ўзгаранне жылога дома ў вёсцы Смык. У выніку пажару пашкоджаны дах, перакрыццё і маёмасць.
Дэпартамент аховы
Спынена 8 правапарушэнняў: 4 дробязныя крадзяжы, 2 выпадкі распіцця спіртных напояў, па аднаму — хуліганства і парушэнне ПДР. Раскрыта раней здзейсненае злачынства.
IАЖіРС
Складзена па 2 пратаколы на незаконныя вываз драўніны і лоўлю рыбы і столькі ж — за парушэнне правіл паводзін на беразе ракі.