16 верасня на станцыю Верайцы прыбыў першы эшалон з асабовым складам і тэхнікай расійскіх часцей, задзейнічаных у вучэннях “Узаемадзеянне-2013”, якія праводзяцца на базе Асіповіцкага раёна.
Сваіх таварышаў па зброі — воінаў 31 гвардзейскай ордэна Кутузава II ступені асобнай дэсантна-штурмавой брыгады — сустракалі прадстаўнікі 103 мабільнай брыгады сіл спецыяльных аперацый Узброеных Сіл Рэспублікі Беларусь на чале з намеснікам камандуючага ССА палкоўнікам Сяргеем Андрэевым. А хлеб-соль гасцям уручыў народны калектыў “Люлечка”.
…У вучэннях будуць задзейнічаны таксама падраздзяленні калектыўных сіл аператыўнага рэагавання з іншых краін, якія ўваходзяць у склад арганізацыі Дамовы аб калектыўнай бяспецы. 17 верасня яны будуць да-стаўлены ваенна-транспартнай авіяцыяй на аэрадром у Мачулішчах, адкуль, пасля атрымання адпаведнага загаду, дэсантуюцца на тэрыторыю палігона “Рэпішча”.
Усяго на ўзгаданым палігоне будуць удасканальваць баявую падрыхтаванасць звыш 600 ваеннаслужачых з Беларусі, Расіі, Казахстана, Таджыкістана, Арменіі, Кыргызстана.