Наркотыкам — СТОП!

У нядзелю — Міжнародны дзень барацьбы з ужываннем наркатычных сродкаў і іх незаконным абаротам.

У раёне сітуацыя працягвае заставацца кантралюемай і досыць стабільнай: з пачатку года па лініі наркакантролю выяўлена 29 значынстваў, з іх дзесяць цяжкіх і асабліва цяжкіх, у большасці — па фактах збыту.

Так, супрацоўнікамі аддзялення па наркакантролі і супрацьдзеянні гандлю людзьмі РАУС затрыманы 18-гадовы асіпаўчанін, які дзейнічаў у складзе аргані-заванай злачыннай групы. У яго канфіскавана 600 гр асабліва небяспечнага псіхатропнага рэчыва альфа-PVP. Заведзена крымінальная справа па ч. 4 арт. 328 Крымінальнага кодэксу краіны. Да адміністрацыйнай адказнасці па арт. 17.6 КаАП за незаконныя дзеянні з некурыльнымі тытунёвымі вырабамі, прызначанымі для смактання і (або) жавання, прыцягнуты два чалавекі, шэсць па арт. 17.1 — за выяўленыя падчас аперацыі “Мак” незаконны пасеў або вырошчванне алейнага маку і канопляў.

Шырока вядзецца прафілактычная работа: су-працоўнікамі АНіСГЛ ва ўсіх навучальных установах раёна праведзены трэнінгі з педагогамі, выступленні перад навучэнцамі з дэманстрацыяй тэматычных відэа-фільмаў, падлеткам і бацькам растлумачаны патрабаванні заканадаўства ў сферы незаконнага абароту наркотыкаў. І гэта дзейнасць працягваецца: у аздараўленчых лагерах з пачатку лета ўжо праве-дзена сем мерапрыемстваў.

Сяргей Багдановіч,

першы намеснік

начальніка РАУС — начальнік крымінальнай міліцыі;

Ігар Каркоўскі,

начальнік АНіСГЛ РАУС.